يا حمام البرج - ايمان الطوخى
كلمات: سعيد شاهين | الحان: ابراهيم عبد الشفيع
Mp3 Format - High Quality - 4.7 MB
يا حمام البرج يا طاير
روح عند حبيبى وقوله
عن شوقى وقلبى الحاير
والنبى يا حمام توصله
وتجيب للقلب بشاير
علشان يتهنى بخله
يا حمام البرج يا طاير
يا حمام ده نهارك وردى
طاير والجو حنان
وامانة عليك ما تهدى
ده طريق الحب امان
روح قلبى واغلى ما عندى
غاب عنى بقاله زمان
يا حمام البرج يا طاير
يا حمام فى طريقك غنى
وارسم فرحتى فى غناك
وياريتك تنقل منى
اشواقى تاخدها معاك
والبعد ده غصب عنى
متغيبش انا بستناك
يا حمام البرج يا طاير
روح عند حبيبى وقوله
عن شوقى وقلبى الحاير
والنبى يا حمام توصله
وتجيب للقلب بشاير
علشان يتهنى بخله
يا حمام البرج يا طاير
- 1986 -
ليست هناك تعليقات:
إرسال تعليق