طيور النورس - محمد ثروت
كلمات: صلاح جاهين | ألحان وتوزيع: هانى شنودة
كان نفسى من صغرى اكبر واكون بحار
وحلمت طول عمرى بالبحر والأخطار
الحلم حققته لأنى صدقته
وكتبنى فى ورقته قبطان من الشطار
يا طيور النورس ياللى مقابلنى
غنوا سوا كورس وإهتفوا ورا منى
حياة البحر أحلى حياة ولو يقلب ويبقى نو
انا القبطان تنى وراه احايله لما يصفى الجو
مركبتى اسمها توت وصغيرة شوية
لكن تقول توت توت وتطير فوق المية
مش باينة شقاوتها لان حضرتها
عجلة قيادتها ممسوكة بأيديا
مشاوير وسفريات رافع لها رايتى
انا صنعتى الرحلات وهى دى هوايتى
ألف كل مكان واشوف شعوب الوان
وبقية البلدان اعرفها بقرايتى
جزاير المرجان رميت عليها الهلب
ومغارة القرصان لقيتها بعد الغلب
لكن عروسة البحر فتشت عنها البحر
وسألت عنها الصخر لقيتها كدب فى كدب
وحلمت طول عمرى بالبحر والأخطار
الحلم حققته لأنى صدقته
وكتبنى فى ورقته قبطان من الشطار
يا طيور النورس ياللى مقابلنى
غنوا سوا كورس وإهتفوا ورا منى
حياة البحر أحلى حياة ولو يقلب ويبقى نو
انا القبطان تنى وراه احايله لما يصفى الجو
مركبتى اسمها توت وصغيرة شوية
لكن تقول توت توت وتطير فوق المية
مش باينة شقاوتها لان حضرتها
عجلة قيادتها ممسوكة بأيديا
مشاوير وسفريات رافع لها رايتى
انا صنعتى الرحلات وهى دى هوايتى
ألف كل مكان واشوف شعوب الوان
وبقية البلدان اعرفها بقرايتى
جزاير المرجان رميت عليها الهلب
ومغارة القرصان لقيتها بعد الغلب
لكن عروسة البحر فتشت عنها البحر
وسألت عنها الصخر لقيتها كدب فى كدب
ليست هناك تعليقات:
إرسال تعليق