مفيش فى الأغانى - حنان ماضى
كلمات: فؤاد حداد | ألحان وتوزيع: ياسر عبد الرحمن
مفيش في الأغاني
كدة ومش كدة
يفرقنا عن بعض بالشكل ده
***
يا مصر اللي جايبة الشجر من زمان
وشايلة الضفاير على البرتقان
وقبل الأوان اللي قبل الأوان
بتحييني أنفاسك المسعدة
***
يا حلوة كلامك تحبه الودان
يشمسني في الدروة زي الميدان
يمشيني بين الحيطان الغيطان
عروسة وحصان في القمر والعدا
***
عنيكي تغمض وتفتح يبان
سطوح الليالي عليه الأمان
وبحر الدرة من ورق الامتحان
وبتغني موّالي يا مولّدة
***
بحبك كأني طليق العنان
وزي العجوز اللي دق البيبان
وزي الكتاب اللي كان يا ما كان
وزي الرصيف اللي في السيدة
***
أنا اللي زرعت البيوت والعيدان
ما يمنعش عقلي شوية جنان
هيرجع لاسمك رنين الحنان
قتيل المحبة يلبي الندا
يفرقنا عن بعض بالشكل ده
***
يا مصر اللي جايبة الشجر من زمان
وشايلة الضفاير على البرتقان
وقبل الأوان اللي قبل الأوان
بتحييني أنفاسك المسعدة
***
يا حلوة كلامك تحبه الودان
يشمسني في الدروة زي الميدان
يمشيني بين الحيطان الغيطان
عروسة وحصان في القمر والعدا
***
عنيكي تغمض وتفتح يبان
سطوح الليالي عليه الأمان
وبحر الدرة من ورق الامتحان
وبتغني موّالي يا مولّدة
***
بحبك كأني طليق العنان
وزي العجوز اللي دق البيبان
وزي الكتاب اللي كان يا ما كان
وزي الرصيف اللي في السيدة
***
أنا اللي زرعت البيوت والعيدان
ما يمنعش عقلي شوية جنان
هيرجع لاسمك رنين الحنان
قتيل المحبة يلبي الندا
- 1999 -
ليست هناك تعليقات:
إرسال تعليق