من قلب الشعب - سمير الاسكندرانى
كلمات: نبيل مكاوى | الحان: مدحت عاصم
من قلب الشعب اللى ما همه لا حديد ولا نار
كل الاحرار جم وانضموا لركب الثوار
ملايين رايحين يبنوا بلدهم والنصر بأمجاده وعدهم
وعد الاحرار وعد الثوار
من قلب الشعب صحى العامل وعرف دوره
لازم يتعب علشان الفجر يبان نوره
وبلاده اللى ادتله حقوقه ياخد من عزمه ويهديها
والخير اللى تخلي ضوءه من عرقه يرده لاهاليها
من قلب الشعب صحى العامل مارد جبار
جاب اخواته وجم وانضموا لركب الثوار
من قلب الشعب صحى الفلاح بص لارضه
لقى فيها الخير ومعاه افراح جاية تواعده
الارض بتنده على فاسه عايزة الاخلاص عايزة الهمة
وفى قلبه بيكبر احساسه بيحس انه حياته مهمة
من قلب الشعب صحى الفلاح مارد جبار
جاب اخواته وجم وانضموا لركب الثوار
من قلب الشعب جموع الشعب بقت ملايين
ماشيين فى طريق انتصارتهم بعيون صاحيين
مبادئهم عزة وحرية من قلب الشعب علشان الشعب
وطريقهم خير واشتراكية وعلشان الشعب يهون الصعب
من يوم الشعب ما قام من النوم مارد جبار
كل ولاده جم وانضموا لركب الثوار
- 1967 -
ليست هناك تعليقات:
إرسال تعليق